Sumur Mati

Oleh: KDS/RSS (Rijan Anggota KGPBR)

Ini qishoh jaman doeloe, waktu kita masing kecit. Kira-kira taon 79/80 dah. Jaman doeloe kalo mao nonton acara tivi nyeng rame adanya udah malem ari, mao nonton aneka ria safari atawa kamera ria kudu manteng mata. Nah, buat nunggu itu acara, kita- kita pada maen ketik, maen uber-uberan berkelompok, kerna dulu masing lega belon banyak rumah,jadi mo treak keettiikkk….!!! Sekenceng-kenceng kaga ada nyeng ngomel, coba bayangin dah, dua kelompok tunggu ditempat terus kelompok nyeng atu lagi lari menjauh,kira” udah jarak 500 meter treak dah keettiikkk…!!.

Itu permaenan hanya boleh dimaenin malem ari, saking serunya itu maen kaga kerasa ampe ke jeblos sumur mati, itu sumur udah kaga dipake kerna nyeng punya latar udah punya pompa dragon,
Coba bayangin dah, jem sepuluh malem kejeblus sumur mati…

Paling juga cuman bisa nangis, enya…enya..tulungin nya!
Rasain luh tong, bengal si!!!

Memori sumur mati.
Tamara malem ari.
17/11/19.